அறிமுகம், பீக், இப்போ…. எப்படி இருக்காங்க இந்த 16 பேரும்!? #TimeTravel

அபூர்வ ராகங்கள்ல ஆரம்பிச்ச ரஜினியோட சினிமா பயணம் பல வெற்றிப் படங்களைத் தொடர்ந்து முத்துவா, அண்ணாமலையா, படையப்பாவா, பாஷாவா இது எல்லாத்தையும் தாண்டி ஒரு சூப்பர் ஸ்டாரா நிக்கிறாரு. இன்னைக்கு பல தர்பார்களைத் தாண்டி அண்ணாத்தையா களம் இறங்க இருக்காரு. 

களத்தூர் கண்ணம்மால குழந்தையா நடிக்க தொடங்குன கமல்ஹாசன் பல வெற்றிப்படங்கள்ல நாயகனா நடிச்சு விஸ்வரூபம் எடுத்து இன்னைக்கு விக்ரமா நிக்கிறாரு.

நாளைய தீர்ப்பு மூலமா அறிமுகமான, விஜய் பூவே உனக்காக எல்லாம் தாண்டி காதலுக்கு மரியாதை கொடுத்து கில்லி விளையாடி மாஸ்டரா நம்ம முன்னாடி நிக்கிறாரு.

அமராவதில அமைதியா தொடங்கின அஜித்தோட சினிமா வாழ்க்கை அமர்க்களமா மாறி பில்லாவா நின்னு மங்காத்தா விளையாடி வலிமையா வர இருக்காரு.

நேருக்கு நேரா மோதும்போது `என்ன ஆவாரோ’னு நினைச்சாங்க. ஆனால், பிதாமகன், கஜினி, வாரணம் ஆயிரம்னு பட்டய கிளப்பி இன்னைக்கு போற்றக்கூடிய சூரரா இருக்காரு.

சேதுலயே அட்டகாசமான நடிப்பை வெளிப்படுத்தி `நீ நடிகன்டா’னு பேர் வாங்கி காசி, ஜெமினினு தூள் பறக்கவிட்டு அந்நியனா மாறி இன்னைக்கு பவர்ஃபுல்லா நிக்கிறாரு.

`இவர்லாம் நடிகரா’னு துள்ளுவதோ இளமை கிண்டல் பண்ணவங்க எல்லாம் வாயடைச்சு போற அளவுக்கு பொல்லாதவனா மாறி நடிப்புல அசுரனா நிக்கிறதுதான் தனுஷோட ஸ்டைல்.

சின்ன வயசுலயே `ஐ எம் எ லிட்டில் ஸ்டார், ஆவேன்டா சூப்பர் ஸ்டார்’னு பாடி வானம் தாண்டி விண்ணைத் தாண்டி படமே வரலைனாலும் மாநாடு கூடுற அளவுக்கு ரசிகர்கள சேர்த்து வச்சிருக்குறதுதான் சிம்பு ஸ்டைல்.

சின்ன சின்ன ரோல்ல தொடங்கின சினிமா வாழ்க்கைல விடா முயற்சியோட போராடி ஸ்டைலா, கெத்தா சூது கவ்வும் பி.ஜி.எம்-ல நடந்து வர்ற கேங்ஸ்டரா, கொலை நடுங்க வைக்கிற பவானியா பலரையும் நடிச்சு மிரண்டு போக வைக்கிற விஜய் சேதுபதி எப்பவுமே வேற லெவல்தான்.

மெரினால சின்னதா தொடங்கின வாழ்க்கை வருத்தப்படாத வாலிபர் சங்கத்துல சேர்ந்து பெரிய ஹீரோவா வளர்ந்து நம்ம வீட்டுப் பிள்ளையா மாறி டானா வெளிய வற இருக்காரு நம்ம, சிவகார்த்திகேயன்.

வி.ஐ.பி, ஒன்ஸ் மோர், நேருக்கு நேர்னு முதல் வருஷத்துலயே தொடர்ந்து மூணு படங்கள்ல நடிச்ச சிம்ரன் அப்றம் பல படங்கள்ல நடிச்சு தூள் கிளப்பினாங்க. இப்போ பேட்ட வரைக்கும் வந்துட்டாங்க.

வாலில வந்தாங்களானு கேக்குற அளவுக்கு சின்ன ரோல். பிறகு, சந்திரமுகியா மாறுனப்போ எல்லாரும் பயந்தாங்க. இப்போ `பொன்மகள் வந்தாள்’னு எல்லாரும் கொண்டாடுறாங்க. வேற யாரு நம்ம ஜோதிகாதான்.

ஐயா படத்துல அறிமுகமான நயன் அறம், டோரா, மாயானு சோலோவா இறங்கி ஹிட் குடுத்து லேடி சூப்பர் ஸ்டாரா மாறி நெற்றிக்கண்ணைத் திறக்க இப்போ காத்திருக்காங்க.

மௌனமா பேச ஆரம்பிச்சதுல இருந்து விஜய்க்கூட கில்லில தனலெட்சுமியா கலக்கி ஜானுவா யமுனை ஆற்றிலே பாடி பரமபதம் விளையாடுனது வரை... த்ரிஷா பண்ண எல்லாமே க்யூட் தான்.

கேடி படத்துல அறிமுகம் ஆகி இருந்தாலும் கல்லூரிலதான் இவங்க வாழ்க்கை ஸ்டார் ஆச்சுனு சொல்லனும். அப்புறம் அயன், பையா, சிறுத்தைனு பல ஹிட் படங்களைக் கொடுத்து இன்றைக்கு வரைக்கும் கலக்குறாங்க.

`இது என்ன மாயம்’ படத்துல இருந்து தமிழ் கெரியர ஸ்டார்ட் பண்ணி இருந்தாலும் முன்னணி ஹீரோக்கள் கூட நடிச்சு பட்டய கிளப்பினாங்க. அப்புறம் சாவித்ரியா நடிச்சதுக்கு நேஷனல் அவார்டும் வாங்கிட்டாங்க கீர்த்தி சுரேஷ்.