83 Movie Review: `ஒரு குட்டி டைம் டிராவல் டு 1983’... `83’ பார்க்கலாமா, வேண்டாமா?!

Home » #MovieReview » 83 Movie Review: `ஒரு குட்டி டைம் டிராவல் டு 1983’… `83’ பார்க்கலாமா, வேண்டாமா?!

83 Movie Review: `ஒரு குட்டி டைம் டிராவல் டு 1983’… `83’ பார்க்கலாமா, வேண்டாமா?!

Director

Kabir Khan

Actors

Deepika Padukone, Jiiva, Ranveer Singh

One Line

1983-ல் கபில்தேவ் தலைமையில் வரலாறு காணாத வெற்றி பெற்று உலக கோப்பையை வென்றது இந்திய கிரிக்கெட் அணி. அந்தப் பிண்ணனியை வைத்தே 83 படம் எடுக்கப்பட்டிருக்கிறது.

Streaming Link

Theatre

Story Line

ரன்வீர் சிங் (கபில் தேவ்) தலைமையிலான இந்திய கிரிக்கெட் அணி இங்கிலாந்தில் 1983-ல் நடந்த உலகக் கோப்பை தொடரில் விளையாடியது. வீரர்களுக்கே நம்பிக்கை இல்லாமல் ரிட்டர்ன் டிக்கெட்டை ஃபைனல் மேட்சுக்கு முன்பே முன்பதிவு செய்துவிடுகின்றனர். ஆனால், விளையாடிய முதல் இரண்டு மேட்சுகளையும் சிறப்பாய் வெல்கிறது இந்திய அணி. வென்றும் இவர்களுக்கு தாங்கள் ஃபைனல் ஆடப்போகிறோம் என்ற நம்பிக்கையே ஏற்படாது. கபில் தேவ் மட்டும் விடாமுயற்சியோடு போராடி, வீரர்களை ஊக்கப்படுத்திக்கொண்டே இருப்பார். போதாக்குறைக்கு அங்கிருக்கும் மீடியாக்களும் இந்திய அணி போராடி பெற்ற வெற்றியை ‘குத்துமதிப்பான வெற்றி’ என்ற ஹெட்லைன்ஸோடு நியூஸ் போட்டுக்கொண்டிருக்கும். இவ்வளவு அவமானங்களுக்கு மத்தியில் ஃபைனலை வென்ற இந்திய அணியின் பாதையைப் படமாக பேசியிருக்கிறது 83.

WoW Moments 🤩

கபில் தேவ்வாக ரன்வீர் சிங். டாஸ் போடும்போது நாணயத்தை சுண்டி விட்டு இடுப்பில் கை வைப்பதில் தொடங்கி விளையாடும் ஸ்டைல், ஆங்கில உச்சரிப்பு, பேச்சு என கபில் தேவை உரித்து வைத்ததைப்போல் நடித்திருக்கிறார். எந்த ஒரு இடத்திலும் இவர் ரன்வீர் சிங்காகத் தெரியாததுதான் படத்துக்கு மிகப்பெரிய பலம் சேர்த்திருக்கிறது. இவருக்கு நிகரான அலட்டல் இல்லாத பர்ஃபாமன்ஸை கொடுத்தவர் ஶ்ரீகாந்தாக நடித்த ஜீவா. பல இடங்களில் ஒன்லைனரில் சிரிக்கவும் வைக்கிறார், செமி ஃபைனல்ஸுக்கு முன்பு எமோஷனலான ஒரு ஸ்பீச் மூலம் கலங்க வைக்கவும் செய்கிறார்.
1980 காலகட்டம் என்பதற்கு ஏற்ப நம்பகத்தன்மையோடு இருந்தது விஷுவல். அதற்கு மிகப் பெரிய பக்கபலமாக இருந்தது படத்துக்குத் தேர்வு செய்யப்பட்ட காஸ்டிங். இங்கிலாந்துக்கு ஃப்ளைட் ஏறப்போகும் முன்பு ஒவ்வொருவரின் ஒரிஜினல் பாஸ்போர்ட்டையும் படத்தில் நடித்தவர்களையும் காட்டுவார்கள். கண்டுபிடியுங்கள் எட்டு வித்தியாசங்கள் என்பது போல ஒவ்வொருவரும் அச்சு அசல் அப்படியே இருந்தார்கள். கதாபாத்திர தேர்வுக்கு மட்டும் ஒன்றரை வருடம் எடுத்திருக்கிறது படக்குழு. படத்துக்காகப் போடப்பட்ட செட்டில் தொடங்கி எடிட்டிங் வரை ஒரு பக்கா டைம் டிராவலாக இருந்தது. பட ஷூட்டிங்கை நிஜ மேட்ச்சையும் வைத்து வித்தை காட்டியிருக்கிறார் எடிட்டர் நித்தின் பெய்ட்.
1983-க்கு பிறகு கிரிக்கெட் எனும் விஷயம், முக்கியமாக இந்திய அணி உலக கோப்பையை வென்ற பிறகு எப்படி ஒரு எமோஷனாக மாறியது என்பதோடு சேர்த்து வெளியில் ஆடியன்ஸுக்கு மத்தியில் நடக்கும் சண்டை சர்ச்சை, அந்த சமயம் பிரதமாராக இருந்த இந்திரா காந்தி கிரிக்கெட்டை மையப்படுத்தி வெளியிடும் ஒரு அறிக்கை என வெளியே நிகழ்ந்த எமோஷன்களை நம்பகத்தன்மையோடு படமாக்கியிருந்தார் இயக்குநர்.
முக்கியமான ஒரு போட்டியில் ஜிம்பாப்வேவுக்கு எதிரான ஆட்டத்தில் இந்திய அணி ஜெயித்தே ஆக வேண்டிய கட்டாயத்தில் இருக்கும் சமயத்தில் கபில் தேவ் 175 ரன்கள் குவித்து ஆட்டமிழக்காமல் இருந்தார். அந்த மேட்ச்தான் பார்ப்பதற்கு பயங்கரமான ஒரு சுவாரஸ்யத்தையும் மோட்டிவேஷனையும் கிளப்பியது. கிளைமாக்ஸ் கூட அப்படியான ஒரு அனுபவத்தை தரவில்லை.

AWW Moments 😫

இது போன்ற ஸ்போர்ட்ஸ் டிராமா பயோபிக் படத்துக்கு விறுவிறுப்பு எந்தளவுக்கு முக்கியமோ எமோஷனும் அதே அளவு முக்கியம். ஒரு கட்டத்தில் விளையாடுவது கபில்தேவா, எம்.எஸ்.தோனியா என்றெல்லாம் பார்வையாளர்களுக்குத் தெரியாது. இந்திய அணி ஜெயிக்க வேண்டும். அந்தத் தருணம் நம் மனதில் ஆழமாகப் பதிய வேண்டும். அவ்வளவுதான். இது படத்தில் ஓரளவுக்குதான் ஹிட்டானது.
டிரெய்லரில் இடம்பெற்றிருந்த பி.ஜி.எம் ஒன்று மட்டும்தான் படத்தில் ஒர்க் ஆகியிருந்தது. சக் தே இந்தியா படத்தில் கடைசி கோல் ஷூட் செய்யப்பட்டு இந்திய ஜெயிக்கும்போது ஷாருக் கான் கண்கலங்கி நிற்கும்போது வரும் குரலும், பின்னணி இசையும் இப்போது நினைத்தாலும் காதுகளில் ஒலிக்கும் (பாலிவுட் படம் என்பதால் பாலிவுட் பட ரெஃபரன்ஸ்). நிஜத்தில் நிகழ்ந்த இந்த பிரமாண்ட வெற்றியைப் பின்புலமாகக் கொண்ட படத்தில் இசை எப்படி இருக்க வேண்டும்?!