அந்த கெத்துதான் லூசிஃபர்! - `Lucifer' பார்க்கலாமா வேண்டாமா?!

Home » #MovieReview » அந்த கெத்துதான் லூசிஃபர்! – `Lucifer’ பார்க்கலாமா வேண்டாமா?!

அந்த கெத்துதான் லூசிஃபர்! – `Lucifer’ பார்க்கலாமா வேண்டாமா?!

Director

Actors

D. B. Woodside, Lauren German, Lesley-Ann Brandt, Rachael Harris, Scarlett Estevez, Tom Ellis

One Line

நரகத்தின் அரசன் லூசிஃபர் வெக்கேஷனுக்காக மனித உருவத்தில் லாஸ் ஏஞ்சல்ஸ் வந்தால் என்னவாகும் என்பதே இந்த வெப் சீரிஸின் ஒன்லைன்.

Streaming Link

Netflix

Story Line

Hell என்று சொல்லப்படும் நரகத்தை பல்லாயிரம் ஆண்டுகளாக ஆள்பவர் லூசிஃபர் (டாம் எல்லிஸ்). இவரது தந்தைதான் கடவுள். இவருக்கு பல சகோதர, சகோதரிகள் இருந்தும் அமெண்டடீல்தான் (டிபி. வுட்சைட்) நெருங்கிய சகோதரர். இவர் சொர்கத்தின் ஏஞ்சல். மனித உருவில் லாஸ் ஏஞ்சல்ஸுக்கு வருகை தந்திருக்கும் லூசிஃபருக்கு க்ளோயி டெக்கர் (லாரன் ஜெர்மன்) என்பவர் மீது அதீத காதல் ஏற்பட்டுவிடும். 5 சீஸன்களின் கதையும் குறிப்பிட்ட சிலரைச் சுற்றிதான் நடந்துகொண்டிருக்கும். க்ளோயி டெக்கர் LAPD-யில் டிடெக்டிவ்வாக இருப்பார். தன்னிடம் இருக்கும் சக்தியையும், பேச்சு திறமையையும் வைத்து லூசிஃபர் LAPD-யில் கன்சல்டென்ட்டாக பணிபுரிவார். அந்த சமயத்தில் ஏற்படும் பிரச்னைகள், காதல், மோதல் குழப்படிகள் என எல்லாம் கலந்த கலவையாய் போய்க்கொண்டிருக்கும். திடீரென ஒரு பிரச்னையின்போது கடவுள் பூமிக்கு வருகை தந்திருப்பதோடு தான் ஓய்வு பெறப்போவதாகவும் சொல்வார். ஒரு பெரிய போரை நிகழ்த்தி லூசிஃபர் கடவுள் பொசிஷனை பெற்றுக்கொள்வார். ஆனால், ஏதோவொரு உறுத்தல் இவரை சுற்றிக்கொண்டிருக்க, தான் கடவுளாக பொறுப்பேற்பதற்கு முன்னாள் தன்னை தயார்படுத்திக்கொள்வதோடு இவரது காதல் வாழ்க்கையையும் எப்படி வழிநடத்துகிறார் என்பதே லூசிஃபர் ஃபைனல் சீசனின் கதை.

WoW Moments 🤩

எத்தனை கேரக்டர்கள் வந்தாலும் லூசிஃபரைத் தவிர கவனம் எங்கும் செல்லாத அளவுக்கு அந்த கதாபாத்திரத்தில் வாழ்ந்திருப்பார் லூசிஃபராக நடித்த டாம் எல்லிஸ். எல்லோரும் ஆங்கிலத்தை அமெரிக்க உச்சரிப்பில் பேசிக்கொண்டிருக்க, இவர் மட்டும் பிரிட்டிஷ் உச்சரிப்பில் பேசுவார். பேச்சு மட்டுமின்றி தனது உடல்மொழியிலும் பல்லாயிரம் ஸ்டைல்களை கொண்டு வருவார். பேச்சு, நடிப்பு, உடல்மொழி என அத்தனை விஷயங்களிலும் சிக்ஸர் அடித்திருக்கிறார் இவர். க்ளோயியை இவர் டிடெக்டிவ்வ்வ் என்று அழைக்கும்போது, க்ரிமினல்களிடம் கண்களைப் பார்த்து What is you truly desire என்று கேட்கும்போது, முக்கியமாக இவர் கோபப்படும்போது ரசிகர்களை அதிகம் ஈர்க்கிறார். இந்த மனுஷனின் Attitude-க்காகவே முதலில் இந்த சீரிஸை பார்த்துவிடுங்கள் மக்களே.
இவருக்கு அடுத்ததாக க்ளோயி டெக்கர் கதாபாத்திரம்தான் பிரதானம். ஃபேன்டசி கதைதான் என்றாலும் செலஸ்டியல்ஸ் என்று சொல்லப்படும் லூசிஃபர், அமெண்டடீல் மாதிரியான ஏஞ்சல்களை இவர் டீல் செய்யும் விதமே அழகு. குறிப்பாக லூசிஃபர் மீது காதல் கொண்ட பிறகு இருக்கும் எல்லா டைமென்ஷன்களிலும் நடித்திருப்பார். முன்னாள் கணவருடன் நடக்கும் உரையாடல், இவரது மகள் ட்ரிக்சியுடன் அவ்வப்போது ஏற்படும் உரையாடல் என லூசிஃபருக்கு நிகரான நடிப்பை வெளிப்படுத்தி வெளுத்திருப்பார்.
பொதுவாக ஃபேன்டசி ஜானர் படங்களில் பார்வையாளர்களின் நம்பகத்தன்மையை பெற்று ஒரு சீரிஸோடு கட்டிப்போடுவது மிகவும் கடினம். லூசிஃபர் அந்த வகையில் டாப் இடத்தில் இருக்கும். ஒரு நாவலில் இருந்து தழுவப்பட்ட கதை என்றாலும் காட்சியோட்டத்தில் இருக்கும் வசீகரம்தான் இந்த சீரிஸோடு நம்மை பிணைத்துப்போடுகிறது.
மற்ற கேரக்டர்களையும் சாதரணமாக டீல் செய்துவிட முடியாது. லூசிஃபருக்கு ஏற்படும் பிரச்னைகள் அனைத்திற்கும் தீர்வு சொல்பவர் டாக்டர் லிண்டா மார்டின் (ரேச்சல் ஹாரிஸ்). லூசிஃபரின் சகோதரர் அமெண்டடீல் (வுட்சைட்) க்யூட்டாக நடித்திருப்பார். ஆரம்பத்தில் உலகத்தோடு ஒன்றி வாழக் கஷ்டப்படும் இவர், போலீஸ் டிப்பார்ட்மென்டில் பணிபுரிந்து இங்கே இருந்துவிட வேண்டும் என்ற அளவிற்கு ஆசைப்படுவார். மஸிகின் (எ) மேஸ், டேனியல், எல்லா லோப்பஸ், ஈவ் என கேரக்டர்கள் எக்கச்சக்கம். எல்லோரிடமும் ஒரு தனித்தவம் ஒரு வசீகரம் இருக்கும். ஒவ்வொரு கேரக்டர்களுக்குமே தனிக்கட்டுரை எழுதும் அளவிற்கு அனைவருக்குமே இதில் முக்கியத்துவம் இருக்கும்.
மற்ற 5 சீஸன்களைப் போல் 6-வது சீஸன் இல்லை. காரணம், வில்லன் என்று ஒரு ஒருவன் பல்வேறு வகையில் இதற்கு முந்தைய சீஸன்களில் குடைச்சல் கொடுப்பார்கள், ஒரு சண்டை இருக்கும் அதில் இருந்து தப்பிப்பார்கள். ஆனால், 6-வது சீஸன் முழுக்கவே காதல், பாசம், மன்னிப்பு என எமோஷனலாக நகரும். பல்வேறு இடங்களில் நம் கண்களை வியர்க்க வைத்ததே இந்த சீஸனுக்கான வெற்றிதான். மொத்தமாக ஒரு பேக்கேஜாக பார்க்கும்போது ஒரு படைப்பாக முழுமை பெற்றுவிட்டது.

AWW Moments 😫

மொத்த சீரிஸும் 6-வது சீஸனில் முடிவடையும்போது ஏதோ ஒன்று மிஸ்ஸிங் என்ற எண்ணத்தைக் கொடுத்துவிடுகிறது. ஃபைனல் எபிசோடுகளுக்கு முந்தைய எபிசோடுகள் ஆங்காங்கே போர் அடிக்கவும் செய்தது. முக்கியமாக லூசிஃபரின் கோபம் இந்த சீஸனில் மேஜர் மிஸ்ஸிங். அவரது ரசிகர்களுக்காக அவருக்கு ஏற்ற மாதிரி கிளாஸ் ஆன ஒரு மாஸ் காட்சியை வைத்திருக்கலாம். பொறுமையே பெருமை என்ற அளவில் மட்டையாய் மடங்கிவிட்டார்.