தேனி மாவட்டத்தின் ஒரு கிராமத்தில் நாட்டு வைத்தியம் பார்த்துக் கொண்டிருப்பார் எம்.ஜி.ராமசாமி (சத்யராஜ்). எம்.ஜி.ஆரின் மகன் அன்பளிப்பு ரவி (சசிகுமார்). இவரது தாய் மாமா அக்னீஷ்வரனோடு (சமுத்திரக்கனி) சேர்ந்து ஊருக்குள் சேட்டை செய்து வருகிறார். போக சிறு வயதில் இருந்தே அப்பாவுக்கும் மகனுக்கும் ஆகாது. காரணம், இவர் வைத்தியம் பார்க்க எடுக்கும் மூலிகை மருந்து ஒரு மலையில் கிடைக்கும். அதே மலையை குவாரியாக்கி வியாபாரம் பார்க்க நினைக்கும் கே.ஆர்.தங்கவேல் (பழ.கருப்பையா). கோர்ட்டுக்கு சென்று இதற்கு நீதி கேட்கலாம் என்று நினைத்தால் வாதாடும் வக்கீல் அனைவரையும் விலை கொடுத்து வாங்கி விடுகிறார் கே.ஆர்.டி. அதனால் மகனை வழக்கறிஞருக்கு படிக்க வைத்து வாதாட நினைத்து படிக்க வைக்கிறார் எம்.ஜி.ஆர். ஆனால் ரவியோ மொத்த பாடங்களிலும் ஃபெயிலாகி போகிறார். தலைப்பு செய்தியில் வந்த பிறகுதான் வீட்டிற்குள் காலடி எடுத்து வைப்பேன் என ரவியும், மாப்ள செய்தில வந்தால்தான் வேட்டி கட்டுவேன் என அக்னியும் சபதம் எடுக்கிறார்கள். இறுதியில் தலைப்பு செய்தியில் அவர் வந்தாரா, மலையைப் பாதுகாத்து நாட்டு வைத்தியத்தை கன்டினியூ செய்கிறார்களா என்பதே படத்தின் கதை.