`பிரபுதேவாவுக்கு என்னாச்சு…’- பொன் மாணிக்கவேல் பார்க்கலாமா, வேண்டாமா?

One Line

கதை… என்ன சொல்வது. இது பிரபுதேவா போலீஸாக நடித்திருக்கும் முதல் படம். பெண்களுக்கு எதிராக அரங்கேறும் பாலியல் வன்முறையை எதிர்த்து போலீஸ் பொன் மாணிக்கவேல் பேசியிருக்கிறார்.

Streaming Link

Story Line

சேலம் மாவட்டம் ஐ.பி.எஸ் பொன் மாணிக்கவேல் (பிரபு தேவா). நியாயத்தின் பக்கம் நிற்க முடியாமல் போலீஸ் வேலையை ராஜினாமா செய்து மாடு மேய்கிறார். பின் சென்னையில் நீதிபதி ஒருவர் இறந்ததையடுத்து பொன் மாணிக்கவேல் அந்த வழக்கை விசாரிக்க குறுக்கே மறுக்கே ஓடித்திரியும் தன் மனைவி (அன்பரசி மாணிக்கவேல்) நிவேதா பெத்துராஜை அழைத்துக்கொண்டு சென்னை வருகிறார். நீதிபதியைத் தொடர்ந்து இன்ஸ்பெக்டர் ஒருவரும் கொல்லப்பட அடுத்தடுத்து லிஸ்டில் பெரிய தலைக்கட்டின் பெயர்கள் அடிபடுகிறது. இதற்கெல்லாம் பின்னால் யார் இருக்கிறார்கள், எதற்காக கொல்லப்படுகிறார்கள், யார் கொல்கிறார்கள், இறுதியில் பார்த்த நாம் உயிரோடு இருக்கிறோமா என்பதுதான் பொ(பு)ன் மாணிக்கவேல் படத்தின் மீதிக்கதை.

WoW Moments 🤩

  • அவ்வப்போது பிரபுதேவாவுக்கு போடப்பட்ட பிஜிஎம் `டொன் டன் டன் டன் டொன் டன் டன் டன்’ மட்டும் நன்றாக இருந்தது. படம் ஒத்துழைக்காத காரணத்தினால் அதுவுமே ஒரு கட்டத்தில் கடுப்பைக் கிளப்பிவிட்டது.

AWW Moments 😫

  • இன்னும் எத்தனை காலம்தான் ஒரு பெண்ணை மெட்டீரியலிஸ்டிக் செய்து, ‘இது பாலியல் வன்முறைக்கு எதிரான ஒரு படம்’ என்று லேபிள் செய்து எடுக்கப்போகிறார்களோ தெரியவில்லை. துளியும் யதார்த்தம் இல்லாமல் சென்சிட்டிவான ஒரு விஷயத்தை எடுத்துக்கொண்டு ஆக்‌ஷன், தண்டனை, துப்பாக்கி சூடு என ஹீரோயிசம் செய்து பார்வையாளர்களை ஏமாற்றுவது போல் இருந்தது.
  • சரி ஒரு படம் பார்த்த திருப்தியாவது கிடைக்கிறதா என்று பார்த்தால் திருப்பதி அழைத்து மொட்டை போட்டுவிடாத குறையாக பார்வையாளர்களை சோதித்திருக்கிறார் இயக்குநர். இதில் குறுக்கே மறுக்கே நிவேதா பெத்துராஜ் வேறு நம்மை டார்ச்சர் செய்கிறார். எப்போதெல்லாம் பிரபுதேவா அல்லையில் அடி வாங்கி வருகிறாரோ அப்போதெல்லாம் நான் இருக்கேன் என்று சாப்பாடு ஊட்டி விட வந்துவிடுகிறார் நிவேதா. இவ்வளவுதான் அவரின் ரோல். இதில் ரொமான்ஸ் என்ற பெயரில் TNPSC எக்ஸாமுக்கு முத்தத்தை வைத்தே பாடம் எடுக்கப்பட்டது.
  • நெற்றியில் நீட்ட பொட்டு, வாயில் பீடா, கழுத்தில் தங்க சங்கிலி, வில்லத்தனம் செய்யணும்… இந்த நான்கு தேவைகளையும் சொன்னால் டைரக்டரிடம் பிரசன்ட் சார் என்று வந்துவிடுவார் முகேஷ் திவாரி. அவரது இன்ட்ரோவின் போது குறியீடாக டிவி-யில் செல்லப்பேரு ஆப்பிள் பாட்டு வேறு. அவர் நடித்த போக்கிரி படத்தை அவரே வியந்து பார்த்துக்கொண்டிருப்பார் போல.
  • பிரபுதேவாவை காதலன் படத்தில் இருந்து ரசித்து வரும் 90ஸ் கிட்ஸுக்கு அவரை இப்படிப் பார்க்கவே பரிதாபமாக உள்ளது. மிஸ்டர் ரோமியோவில் ஆரம்பித்து வி.ஐ.பி, நினைவிருக்கும் வரை, ஜேம்ஸ் பாண்டு, சார்லி சாப்ளின்… ஏன் கொஞ்சம் வருடங்களுக்கு முன்பு வந்த குலேபகாவலி படத்திற்குக்கூட நாங்கள் பெரிய ரசிகர்கள்தான். பழைய ரோமியோவா வாங்க அண்ணாத்த.
  • திரைக்கதைதான் இந்த படத்தின் வில்லன். முதல் காட்சியிலே நீதிபதியின் தலை துண்டிக்கப்பட்டு கொல்லப்பட்டார் என்றதும் படம் பரபரப்பாக ஆரம்பித்தது. அதன் பிறகு ‘ஏப்ரல் ஃபூல்’ என்று சொல்லாமல் சொல்லி படம் சம்பந்தம் இல்லாமல் எங்கெங்கோ பயணித்துகொண்டிருந்தது. தெரிந்த விஷயத்தை இவர்கள் சஸ்பென்ஸ்… சஸ்பென்ஸ் என்று சொல்லி ஏற்றிய பில்ட் அப்-க்கு BPயே வந்துவிட்டது.

Verdict

அவ்வளவுதான் டாடா bye bye!

Similar Movies to Watch

  • ராட்சசன்
  • 100

Rating

Direction

1/5

Casting

1/5

Music

1/5

Screenplay

1/5

Editing

1/5

Overall Rating

1/5

0 Comments

Leave a Reply