தெலுங்கின் ரெட்டைவால் குருவி இவர்! – `ராஜ ராஜ சோரா’ பார்க்கலாமா, வேண்டாமா?!

One Line

இரு வேறு வாழ்க்கை வாழும் பாஸ்கரின் கதைதான் ராஜ ராஜ சோரா.

Streaming Link

Story Line

எப்படியாவது வாழ்க்கையில் பெரியாள் ஆகிவிட நினைக்கும் பாஸ்கர், இரட்டை வாழ்க்கை வாழும் பலே கில்லாடி. ஒரு பக்கம் சின்னச் சின்ன திருட்டுகள் செய்து, ஜெராக்ஸ் கடையில் வேலை செய்பவர். அந்த ஜெராக்ஸ் கடையிலும் செவ்வனே என வேலை செய்ய மாட்டார். கிடைக்கும் கேப்களில் கேப்மாரித்தனம் செய்து காசு சம்பாதிப்பார். இன்னொரு பக்கம் ஐடியில் வேலை செய்வதாக கூறி சஞ்சனாவை (மேகா ஆகாஷ்) காதல் செய்து ஏமாற்றிக் கொண்டிருப்பார். ஆனால், காதலில் நேர்மையாக இருப்பார். இன்னொரு டிவிஸ்ட் என்னவென்றால் இவருக்கு திரு… இல்லை வேண்டாம் படம் பார்த்து தெரிஞ்சுக்கங்க. இப்படிப்பட்ட சிக்கல் மிகுந்த வாழ்க்கையை ஜஸ்ட் லைக் தட் டீல் செய்து வாழ்ந்து வருவார். திருட்டின் லெவல் கொஞ்சம் கொஞ்சமாக உயர்ந்து ஒரு மெகா திருட்டு கேஸில் மாட்டிக்கொள்வார், தவிர இவரது இரட்டை வாழ்க்கையும் ஒரு நாள் அம்பலமாகிவிடும். அதையெல்லாம் எப்படி சமாளிக்கிறார் என்பதே மீதிக் கதை.

WoW Moments 🤩

  • பாஸ்கராக ஶ்ரீ விஷ்ணு. பக்காவாக இந்த கதாபாத்திரத்துக்குப் பொருந்திப் போயிருக்கிறார். லுங்கி கட்டி ஏரியாவுக்குள் சுற்றினால் பக்கா லோக்கல். இதுவே ஷர்ட்டை டக் இன் செய்து IT ஐடி கார்டை மாட்டினால் பக்கா ப்ரொஃபஷனல் ஐடி வேலை செய்பவர். இப்படி இரண்டு வித்தியாசமான ஷேட் கொண்ட கேரக்டருக்கு சீரும் சிறப்புமாய் செட்டாகியிருக்கிறார். ஹ்யூமரும், ஒன் லைன் கவுன்டர் பன்ச்களும் ரத்தத்திலே ஊறியது போல் பர்ஃபார்ம் செய்திருக்கிறார். Brochevarevarura படத்தில் இவர் பர்ஃபாமன்ஸ் பிடித்திருந்தால் அதைவிட ட்ரிப்பிள் தமாக்காவாய் இதில் உங்களுக்குப் பிடிக்கும்.
  • ஒரு முக்கியமான கதாபாத்திரத்தில் லா படிக்கும் மாணவராக சுனைனா. சைலன்ட் கில்லராக தன்னுடைய நடிப்பினை வெளிப்படுத்தியிருக்கிறார். கதாநாயகி மேகா ஆகாஷும் அவருக்குக் கொடுத்திருந்த கதாபாத்திரத்தை ஓகேவாக செய்திருக்கிறார். இவர்களைத் தவிர சப் இன்ஸ்பெக்டராக வரும் வில்லியம் ரெட்டி (ரவி பாபு) காமெடியிலும் சரி, சீரியஸ் காட்சிகளிலும் சரி, சிறந்த நடிப்பை வெளிப்படுத்தியிருக்கிறார். படத்தின் சர்ப்ரைஸ் எலிமென்ட் ஒரு பாட்டி. ஹீரோ ஶ்ரீவிஷ்ணுவுடன் இடம்பெறும் ஒவ்வொரு உரையாடலிலும் சிரிப்பு மத்தாப்பு.
  • படத்தின் கதையே சுவாரஸ்யம் நிறைந்தது. மோகன் நடித்த ரெட்டைவால் குருவி படத்தில் இடம்பெற்றிருந்த ராஜ ராஜ சோழன் நான் பாடல்தான் படத்தின் ஒன்லைன். இந்தப் பக்கம் ஒரு ஹீரோயின் இந்தப் பக்கம் ஒரு ம…. வேண்டாம் பார்த்து தெரிஞ்சுக்கங்க. அதேபோல் திருட்டு வேலை செய்யும் திருடன், ஜெராக்ஸ் கடையில் ஏமாற்றுபவன், போலீஸுக்கு டிமிக்கி கொடுப்பவன் என நாயகனுக்கு வேறு வேறு லேயர்ஸ். இதுவே படத்தை விறுவிறுவென நகர்த்தியிருந்தது.

AWW Moments 😫

  • ஜதி ரத்னாலு, Brochevarevarura ரக சினிமாதான் இதுவும். ஆனால், அதில் இடம்பெற்ற காமெடி போர்ஷன் இதில் மிஸ்ஸானது. கிரேஸி மோகன் ஸ்டைல் ஆஃப் சினிமா தமிழுக்கு அடுத்தபடியாக தெலுங்கில்தான் வெளியாகிறது. அதற்கு ஜதி ரத்னாலு படம் சிறந்த உதாரணம். அப்படியான ஒரு ஸ்கோப் இந்தப் படத்திற்கு இருந்தும் அதை சரியாக உபயோகப்படுத்தவில்லையோ என்ற சந்தேகம் எழாமல் இல்லை.
  • முழுக்க முழுக்க ஹீரோ ஶ்ரீவிஷ்ணுவின் பர்ஃபாமன்ஸை மட்டுமே நம்பி படம் எடுத்ததுபோல் இருந்தது. நடக்கும் சின்னச் சின்ன விஷயமும் ஹீரோவை சுற்றி மட்டுமே நகர்ந்து கொண்டிருந்தது. இதனாலோ என்னவோ படத்தின் நீளம் வெகுதூரமாகத் தெரிந்தது.

Verdict

ஆங்காங்கே அடிக்கும் போர் மெட்டீரியலை பொறுத்துக்கொண்டு படத்தைப் பார்த்தால் கட்டாயம் உங்களுக்கு ஃபன் கேரன்டி!

Similar Movies to Watch

  • ஜதி ரத்னாலு
  •  Brochevarevarura

Rating

Direction

3.5/5

Casting

3.5/5

Music

3.5/5

Screenplay

3.5/5

Editing

3.5/5

Overall Rating

3.5/5

0 Comments

Leave a Reply