சிம்புவுக்கும் தனுஷுக்கும் டைம் லூப் ஃபைட்! – மாநாடு பார்க்கலாமா வேண்டாமா?!

One Line

கோயம்புத்தூரில் நடக்கும் மாநாடு ஒன்றில் முதலமைச்சர் கொல்லப்படுகிறார். டைம் லூப் கான்செப்டில் மீண்டும் மீண்டும் அந்த ஒரே நிகழ்வு நடந்து கொண்டே இருக்கிறது. இது எப்படி நின்றது என்ன ஆனது என்பதே மாநாடு படத்தின் கதை.

Streaming Link

Theater

Story Line

துபாயில் இருந்து நண்பர் ஒருவருக்கு ரெஜிஸ்டர் மேரேஜ் செய்து வைக்க கோயம்புத்தூர் வருகிறார் அப்துல் காலிக் (சிம்பு). தனது ஃப்ளைட் பயணித்தில் நாயகி சீதா லக்‌ஷ்மியை (கல்யாணி ப்ரியதர்ஷன்) சந்திக்கிறார். அவர் செல்லும் திருமணத்திற்குதான் அப்துலும் செல்கிறார். ஆனால், கல்யாண பெண்ணை கடத்தி தன்னுடைய நண்பனுடன் சேர்த்து வைப்பதற்காக. அந்த முயற்சியின்போது ரஃபீக் என்பவர் இவர்களது காரில் மோதி உயிரிழக்கிறார். அந்த சமயம் DCP தனுஷ்கோடிக்கு (எஸ்.ஜே.சூர்யா) அறிமுகமாகிறார் காலிக். ரஃபீக் முடிக்க வேண்டிய மிஷினை முடிக்க அப்துல் காலிக்கை அனுப்புகிறார் தனுஷ்கோடி. முதலமைச்சரை கொல்வதுதான் அந்த மிஷின். அதேபோல் முதலமைச்சர் கொல்லப்படுகிறார், அந்த சிக்கலில் அப்துல் காலிக் மாட்டுகிறார், பின் அவரும் கொல்லப்படுகிறார், செத்து கண் முழித்து பார்க்கும்போது ஃப்ளைட்டில் அதே நாள் மறுபடியும் ஆரம்பிக்கிறது. அதன் பின்னர் வர்றார், சுடுவார், போனார், ரிப்பீட்டு… இதுதான் மாநாடு. இந்த டைம் லூப் எப்படி முடிந்தது என்பதே கதை.

WoW Moments 🤩

  • பல தடைகளை தாண்டி மாநாடு திரையில் வந்ததே படத்திற்கு பெரிய ப்ளஸ்தான். அதுவும் சிம்புவின் டிரான்ஸ்ஃபர்மேஷனுக்கு தகுந்த ரோலும் மாஸும் படத்தில் எக்கச்சக்கமாக உள்ளது. சிம்பு, அவரது ரசிகர்களுக்கு படத்தின் பல மொமன்ட்டுகளில் ட்ரீட் கொடுத்திருக்கிறார். இது வழக்கமான படம் இல்லையென்பதால் படத்தின் நாயகி கல்யாணி ப்ரியதர்ஷன், பிரேம்ஜி, கருணாகரன், எஸ்.ஏ.சி, ஒய்.ஜி.மகேந்திரன், மனோஜ் பாரதிராஜா என அனைவருக்கும் நடிக்க ஒரு காட்சியாவது சிக்கியிருக்கிறது. ஒரு லூப்பில் செத்துப்போனால் இன்னொரு லூப்பில் வந்து பர்ஃபார்ம் செய்கிறார்கள்.
  • மாஸ்டர் படத்தில் விஜய்யை விட பவானி விஜய் சேதுபதிக்கு எந்தளவு மாஸ் இருந்ததோ அதே அளவுக்கான மாஸ் எஸ்.ஜே.சூர்யா நடித்திருக்கும் தனுஷ்கோடி கதாபாத்திரத்துக்கும் இருந்தது. வில்லனிஸத்திற்கும், காமெடி பர்ஃபாமன்ஸுக்கும் நடுவில் நின்று கதகளியே ஆடியிருக்கிறார். வர்றார், மாஸ் காட்டுறார், சிரிக்க வைக்கிறார், ரிப்பீட்டு.
  • படத்தின் ஒன்லைன்தான் மொத்தக் கதையும். ஆனால், டைம் லூப்பில் ஒரே நிகழ்வு மீண்டும் மீண்டும் நடப்பதால் ஆடியன்ஸுக்கு போர் அடிக்கும் விதமாக அதை ப்ரெசன்ட் செய்துவிட கூடாது. இந்த முயற்சியில் வெற்றி கண்ட பெருமை எடிட்டர் பிரவீன் கே.எல்-க்கு மிகுந்த அளவில் உள்ளது. மாநாடு படத்தின் முதல் கதாநாயகன் இவர்தான். இவருக்கு நிகரான இன்னொரு கதாநாயகன் யுவன் ஷங்கர் ராஜா. ஹீரோவுக்கும் வில்லனுக்கு மாத்துக்கட்டில் பிஜிஎம்மை அடித்து நொறுக்கியிருக்கிறார். படம் முடிந்த பிறகும் மண்டையில் இசைத்துக்கொண்டே இருக்கிறது. சூட்டோடு சூடாக படத்தின் OST-ம் யூடியூபில் வெளியாகிவிட்டது.
  • டைம் லூப் கான்செப்டில் இந்திய சினிமாக்கள் பெரிய அளவில் வந்தது இல்லை. அந்த வகையில் கோலிவுட்டில் ஒன்றுகூட இதுவரை வந்ததில்லை. கேம் ஓவர் டைம் லூப் படத்தின் அடிப்படைதான் என்றாலும் அதை கேமிங்கையும் ஃபேன்டசியையும் வைத்து எடுத்திருப்பார்கள். இது இல்லாமல் கடந்த வாரம் ஜாங்கோ வெளிவந்தது. இதைத் தாண்டி தற்போது மாநாடு வெளிவந்துள்ளது, படமும் ரசிகர்களின் எதிர்பார்ப்பை நிறைவு செய்துள்ளது.

AWW Moments 😫

  • கோவிட் லாக்டவுன் போட்ட பிறகுதான் சிம்பு தன்னுடைய உடலமைப்பில் மாற்றம் கொண்டு வந்து ஸ்லிம் ஆனார். அதற்கு முன்பே படத்தின் ரொம்ப சில போர்ஷன்களும் முக்கியமாக மெஹரஸைலா பாடலும் படமாக்கப்பட்டது. சிம்புவின் டிரான்ஸ்ஃபர்மேஷன் அப்பட்டமாக பல இடங்களில் Glitch ஆக தெரிகிறது. இந்த டெக்னிக்கல் குறையை சரி செய்து படமாக்கியிருக்கலாம்.
  • படத்தின் ஆரம்ப 15 நிமிடங்கள் முழுக்க காமெடியை நம்பியே படம் நகர்ந்தது. பழைய வின்டேஜ் VP ஆக மாறி சென்னை 28 படத்தைப் போல் ரகளையான வசனங்களை எழுதி கொஞ்சம் சிரிக்க வைத்திருக்கலாம். ஆக்‌ஷன், டைம் லூப் பிரம்பிப்பு எல்லாம் ஓகே என்றாலும் எஸ்.ஜே.சூர்யா ஹ்யூமர் தவிர மேஜரான ஒரு மிஸ்ஸிங் காமெடியில் இருக்கதான் செய்தது.
  • டைம் லூப் எப்படி தொடங்கியது என்று ஃப்ளேஷ்பேக்காக ஒரு கதையை கல்யாணி ப்ரியதர்ஷன் சொன்னார். அதை கனெக்ட் செய்யும் விதமாக சிம்புவும் ஒரு கதை சொன்னார். அதுதான் படத்தின் ப்ரேக்த்ரூ. ஆனால் அவர்கள் சொன்ன கதை எந்த வகையிலும் தாக்கத்தை ஏற்படுத்தவில்லை. தேமேவென கடந்து போகும்படிதான் இருந்தது.

Verdict

டைம் லூப் கான்செப்ட் தெரியாதவர்களுக்கும் அந்த ஜானர் படம் பார்க்காதவர்களுக்கும் ஒரு சில குழப்பங்கள் இருந்தாலும் படத்தை ரசிக்க தவறமாட்டார்கள்.

Similar Movies to Watch

Rating

Direction

3.75/5

Casting

3.5/5

Music

4/5

Screenplay

3.5/5

Editing

4/5

Overall Rating

3.75/5