சீரியல் கில்லரைத் தேடும் காவலர்கள் என்ற வழக்கமான கதைக்களத்தில், டென்ஸல் வாஷிங்டன், ரமி மாலிக் மற்றும் ஜேரட் லாட்டோ போன்ற அசகாய நடிகர்கள். பழக்கப்பட்ட கதைக்களம் என்றாலும் தங்கள் நடிப்புத்திறமையால் படத்திற்கு மரியாதை செய்கிறார்கள்.

Joe “Deke” Deacon, Kern County-யில் நடந்த ஒரு கொலை தொடர்பான சாட்சியங்களை பெற்று வர , Los Angeles காவல்துறை தலைமையகத்துக்குச் செல்கிறார். அவர் ஏற்கனவே அங்கு பணிபுரிந்தவர். அங்கு நடக்கும் தொடர்கொலைகளை விசாரிக்கும் Jimmy Baxter-க்கு தனிப்பட்ட விருப்பத்தில் உதவுகிறார். பல ஆண்டுகள் முன்பு நடந்த சில கொலைகளுக்கும் தற்போதைய கொலைகளுக்கும் இருக்கும் தொடர்புகளை கோர்த்து கிட்டத்தட்ட சந்தேகத்துக்கு உரிய ஒரு நபரை நெருங்குகிறார்கள். அதற்குப் பிறகு ‘கொலையாளியாக இருக்க வாய்ப்பிருக்கும்’ அந்த நபர் இந்த இரண்டு காவலர்களுடன் விளையாடும் ‘ஓர் உளவியல் தாக்குதல்’ தான் மீதிப்படம்.