நிகழ்காலமான 2022-ல் உயிரியல் டீச்சராக பணியாற்றி வருபவர் டேன் ஃபாரஸ்டர் (கிறிஸ் ப்ராட்) . அவருடைய மகள் மியூரி ஃபாரஸ்டர் (வோன் ஸ்ட்ராஹோவ்ஸ்கி). கால்பந்து ஆட்டத்தை டிவியில் பார்த்துக் கொண்டிருக்கும்போது திடீரென ஒரு கமாண்டோ படை விண்ணில் இருந்து இறங்கி, `இந்த உலகமே அழியப் போகிறது. நாம் அனைவரும் சேர்ந்து போராடினால்தான் 50 வருடங்களுக்கு பிறகு நடக்க இருக்கும் ஒரு பேரழிவைத் தடுக்க முடியும். அதற்கு ஒவ்வொருவருடைய உதவியும் தேவை’ என்கிறார்கள். அதற்காக அந்த ஊரில் இருக்கும் ஒவ்வொருவரும் Jumplink வழியாக எதிர்காலத்திற்கு சென்று அந்த பேரழிவைத் தடுக்க போர் செய்ய வேண்டும். அப்படி ஒரு டர்ன் நம்முடைய ஹீரோ கிறிஸ் ப்ராட்டுக்கும் வருகிறது. அவர் செய்யும் சாகசம் என்ன, எதிர்காலத்தில் இவர்கள் சண்டை போடும் `அந்த’ பேரழிவை ஏற்படுத்துவது என்ன என்பதை ஆக்‌ஷன் கலந்த சயின்ஸ் ஃபிக்‌ஷனோடு சொல்லியிருக்கிறது `The Tomorrow war’.