9-6 என்ற வழக்கமான ஐடி வாழ்க்கைக்கு சொந்தக்காரர் ப்ரகாஷ் (பிரதீப் ஆன்டனி). நண்பர்கள் ஒருவர் கூட இவருக்கு இல்லை. #Netflix #Chill #Beer என்றுதான் தன்னுடைய பொழுதைப் போக்குகிறார். இது தவிர டிக் டாக் செய்யும் டார்ச்சர் காதலியும் இருக்கிறார். ஒரு நாள் இவருடைய அம்மாவும் அப்பாவும் அமெரிக்காவுக்கு செல்ல, இங்கு இவருக்கு ஒரு சொந்தக்காரருடைய இறுதிச் சடங்குக்குப் போக வேண்டிய சூழல் ஏற்படுகிறது. அங்கு தன்னுடைய தூரத்து உறவினர் யாத்ராம்மாவை (டிஜே பானு) சந்திக்கிறார். அதிலிருந்து தொடரும் பயணம், பல திடுக்கிடும் சம்பவங்களையும் டிவிஸ்ட்டுகளையும் அவிழ்க்கிறது. இவரைத் தவிர இன்டர்வலுக்கு பிறகு பொலிவியாவை சேர்ந்த திவா தவானுடனும் ஒரு பயணம் மேற்கொள்கிறார் பிரதீப். நடுவில் நிகழ்ந்த அந்த சம்பவம் என்ன, இந்த பயணத்தின் வாயிலாக இவருக்குக் கிடைத்த அனுபவம் என்ன என்பதை சொல்கிறது `வாழ்’.