`நாய்… நான்கு கால் கொண்ட கவிதை!’ – `முகிழ்’ பார்க்கலாமா, வேண்டாமா?!

One Line

பாசம் மிகுந்த ஓர் உயிர் பிரிந்தால் அந்தத் துக்கத்தை எப்படிக் கையாள்வது என்பதை ரம்மியமாக சொல்லியிருக்கிறது முகிழ்.

Streaming Link

Theatre

Story Line

`முகிழ்’ வெறும் 60 நிமிட குறும்படம். 10 – 6 மணி வேலை பார்க்கும் சாதாரணமானவர் விஜய் (விஜய் சேதுபதி). மனைவி ராதிகா (ரெஜினா கசாண்ட்ரா), மகள் (காவ்யா) ஶ்ரீஜா. நாயைப் பார்த்தாலே பத்து அடி தள்ளி போகும் அளவுக்கு பயம் காவ்யாவுக்கு. ஆனால், விஜய்க்கு நாய்கள் என்றாலே உயிர். எந்தளவிற்கு என்றால் `மனிதர்களையும் நாய்களையும் கம்பேர் பண்ணாதீங்க’ என்று சொல்லும் அளவுக்கு. ஒரு நாள் விஜய் Beagle வகையைச் சேர்ந்த நாயை காவ்யாவுக்கு பரிசளிக்கிறார். ஆரம்பத்தில் அண்டத் தயங்கினாலும் போகப் போக வீட்டில் நான்காவது குடும்ப உறுப்பினராக ஆகி பின்னி பிணைந்துவிடுகிறது ஸ்கூபி. ஒரு நாள் எதிர்பாராமல் நேர்ந்த விபத்தால் ஸ்கூபி உயிரிழக்கிறது. மொத்தக் குடும்பமும் துக்கத்தில் ஆழ்கிறது. காவ்யா சோறு தண்ணியின்றி மிகுந்த துக்கத்தில் ஆழ்ந்திருக்கிறார். அப்பா விஜய் கொஞ்சம் கொஞ்சமாக வாழ்க்கையில் இழப்பு நேர்வது குறித்து எடுத்து சொல்கிறார். இதுதான் கதை.

WoW Moments 🤩

  • விஜய் சேதுபதி – ஶ்ரீஜா விஜய் சேதுபதி இருவருக்கும் இடையே வெளிப்படும் பாசம் பார்க்கும்போது அவ்வளவு அழகாய் இருந்தது. நிஜத்திலே இருவரும் அப்பா – மகள் என்பதால் உரிமையாக சில இடங்களில் தன்னை மீறி பாசத்தையும் உரிமையையும் வெளிப்படுத்தி நடித்திருக்கிறார் ஶ்ரீஜா. வசனங்கள் பல பேசினாலும் சொல்ல முடியா பல உணர்வுகளை இருவரின் கண்களும் வெளிப்படுத்தியது.
  • படத்தில் நடித்திருக்கும் ஸ்கூபியின் நடிப்பு அளவுக்கு அதிகமான ஈர்ப்பு. தவறு செய்துவிட்டு திருத்திரு என முழிப்பதாகட்டும், வேலை முடித்துவிட்டு வரும் விஜய் சேதுபதியின் வாசனையை கண்டுபிடித்து கூப்பிட்டு குறைப்பதாகட்டும், ஶ்ரீஜாவோடு விளையாடுவதாகட்டும்… இப்படி ஸ்கூபி ஃப்ரேமில் அது வந்து போகும் அனைத்து இடங்களிலும் அப்ளாஸ் அள்ளுகிறது.
  • சினிமாவுக்குத் தேவைப்படுகிற எந்த விஷயங்களும் இல்லை. படம் வெளிப்படுத்தும் உணர்வுக்காகவே முகிழ் படத்தை தியேட்டரில் பார்க்கலாம். அவ்வளவு பெரிய திரையில் ஸ்கூபியின் லூட்டிகளையும், ஶ்ரீஜாவின் வெள்ளந்தியான நடிப்பும் இளைப்பாற்றுகிறது.

AWW Moments 😫

  • படத்தில் துளியும் ஒட்டாமல் இருந்தது ரெஜினாவும் அவரது நடிப்பும். ஒரு கட்டத்தில் ரெஜினாவின் கதாபாத்திரம் வேண்டுமென்றே திணித்த ஓர் உணர்வைக் கொடுத்தது. அப்பாவும் மகளும் போட்டிபோட்டு நடித்துக்கொண்டிருக்க, இவரது கதாபாத்திரம் அவ்வப்போது வந்து கப்பைஸ் அடிக்கிறது. `உன் பொண்ணு ஃபீல் பண்ணா மட்டும்தான் சமாதானப்படுத்துவியா நான் சோகமா இருந்தா சமாதானம் பண்ண மாட்டியா’ போன்ற வசனங்கள் எல்லாம் க்ரின்ஜ் மேக்ஸ்!
  • இயக்குநருக்கு ஶ்ரீஜா விஜய் சேதுபதி நடிப்பின் மீது துளியும் நம்பிக்கை வைக்கவில்லை. அவர் `அப்பப்பா’ என்று இயல்பாக கூப்பிட்டால் அப்பா என்று டப்பிங்கில் மாற்றியது, ஷூட்டின்போது நம்பிக்கையின்றி அவர் மீது வைக்கப்பட்ட சில ஃப்ரேம்கள் என டைரக்‌ஷனில் சில குளறுபடிகள் இருந்தது. ஆனால், மொத்தப் படத்தையும் தாங்கியது ஶ்ரீஜாவின் க்யூட்டான நடிப்புதான். அவரின் யதார்த்தமான நடிப்பை படம்பிடிக்க இயக்குநர் கார்த்திக் ஸ்வாமிநாதன் தவறிவிட்டாரோ என்ற எண்ணம் ஏற்பட்டது.

Verdict

ஷார்ட் ஃபிலிம்கள் வெறும் யூடியூபிற்கு மட்டும்தான் என்றில்லாமல் இதுபோல் தியேட்டர்களும் குறும்படத்திற்கான தளம்தான் என்பதை நிரூபித்திருக்கிறது முகிழ்.

விஜய் சேதுபதி - ரெஜினா

Similar Movies to Watch

Rating

Direction

2.5/5

Casting

3.5/5

Music

3/5

Screenplay

3.5/5

Editing

2.5/5

Overall Rating

3/5