தலைப்பு முதல் இன்ட்ரோ சாங் வரை... `உதிரிப்பூக்கள்’ மேஷ்அப்

உதிரிப்பூக்கள் திரைப்படம் வெளியாகி 42 ஆண்டுகள் ஆகிறது. ஆனால், இன்றும் சிறந்த தமிழ்படங்களின் பட்டியலை எடுத்தால் அதில் நிச்சயம் `உதிரிப்பூக்கள்’ இடம்பெறும். அந்த திரைப்படத்தைப் பற்றிய சுவாரஸ்ய தகவல்கள்!

 உதிரிப்பூக்கள், புதுமைப்பித்தனின் சிற்றன்னை கதையை மையமாக வைத்து எடுக்கப்பட்ட திரைப்படம். 

உதிரிப்பூக்கள் படத்துக்கு இசையமைத்தது மட்டுமல்ல, உதிரிப்பூக்கள் என்று படத்துக்கு பெயர் வைத்ததும் இளையராஜாதானாம்.

நூற்றாண்டு கால இந்திய சினிமாவின் 100 சிறந்த படங்களில் ஒன்றாக `உதிரிப்பூக்கள்’ தேர்வு செய்யப்பட்டது.

கிராமத்து பள்ளிக்கூடத்தில் மேனேஜராக பணியாற்றும் விஜயன்தான், இந்தப் படத்தின் ஹீரோவும் வில்லனும்.

`இத்தன நாளும் நான் கெட்டவனா இருந்தேன். அப்பெல்லாம் நீங்க நல்லவங்களா இருந்தீங்க. ஆனா இப்போ, உங்களையும் நான் என்னை மாதிரி ஆக்கிட்டேன். நான் பண்ணதிலேயே பெரிய தப்பு இதுதான்' - விஜயனின் இந்த டயலாக் செம ரீச்.

உதிரிப்பூக்கள் திரைப்படம் தேசிய விருதுகளுக்கு அனுப்பப்படவில்லை. ஆனால், இந்தியன் பனோரமாவில் திரையிடப்பட்டு மிகப்பெரிய பெயர் பெற்றது.

'உதிரிப்பூக்கள்’ திரைப்படம் 35 ரோல் ஃபிலிம் சுருள்களில், 30 நாள்களில் படமாக்கப்பட்டது. மகேந்திரன் இயக்கிய 12 படங்களில் அவருக்கு மிகவும் பிடித்த திரைப்படம் 'உதிரிப்பூக்கள்’தான். 

``மௌனத்தை விட சிறந்த மொழி இருப்பதாக எனக்குத் தெரியவில்லை. அர்த்தங்களுக்கு ஏற்ப வார்த்தைகள் கிடைப்பதில்லை. அந்த சமயம் எண்ணங்களை மௌனங்கள் மட்டுமே வெளிப்படுத்தும். உதிரிப்பூக்கள், முள்ளும் மலரும் போன்ற எனது படங்களில் மௌனம் அதிகமாக இருப்பதாகச் சொல்வார்கள். உண்மைதான், எனது படங்களுக்கு பெரும்பாலும் வசனங்கள் எழுதியது இளையராஜாதான்” - மகேந்திரன்

நீச்சல் தெரியாத விஜயன் தனக்குத்தானே தண்டனை வழங்கிக் கொள்ள ஆற்றுக்குள் முழ்கி இறக்க வேண்டும். விஜயனும் மறுபேச்சின்றி அதனை ஏற்றுக்கொள்கிறார். அப்பொழுது அவரைப் பார்க்க குழந்தைகள் வருகின்றனர். நன்றாகப் படித்து நல்லவர்களாக வளர வேண்டும் என்று குழந்தைகளிடம் கூறுகிறார். இதன்பின், ஆற்றில் இறங்கி இறந்துவிடுவார். மிகவும் நெகிழ்ச்சியான காட்சியாக இதனை மகேந்திரன் காட்சிப்படுத்தியிருப்பார்.

ஏ இந்த பூங்காற்று

ஆன்லைன் மோசடியில் பணத்தை இழந்தால் மீட்பது எப்படி… சிம்பிள் ஸ்டெப்ஸ்!