Floral Pattern
Floral Pattern

உலகின் சக்தி வாய்ந்த பெண் பட்டியலில் இடம்பிடித்துள்ள `நிர்மலா சீதாராமன்’ பற்றிய 7 சுவாரஸ்ய தகவல்கள்!

உலக அளவில் சக்தி வாய்ந்த பெண் பிரபலங்களின் பட்டியலை ஃபோர்ப்ஸ் பத்திரிக்கை வெளியிட்டுள்ளது. இந்தப் பட்டியலில் ஒன்றிய நிதியமைச்சர் நிர்மலா சீதாராமன் 37-வது இடத்தைப் பிடித்துள்ளார். தொடர்ந்து 3-வது ஆண்டாக இந்தப் பட்டியலில் அவர் இடம்பிடித்துள்ளார். அவரைப் பற்றிய சில சுவாரஸ்யமான தகவல்கள் இங்கே...

* நிர்மலா சீதாராமன் மதுரையில் 1959-ம் ஆண்டு மதுரையில் பிறந்தவர். இவரது தந்தை ரயில்வே துறையில் வேலை செய்தவர்.

* நிர்மலா சீதாராமன் திருச்சியில் உள்ள சீதாலட்சுமி ராமசாமி கல்லூரியில் பி.ஏ பொருளாதாரம் படித்தவர். பின்னர், டெல்லி ஜவஹர்லால் நேரு பல்கலைக்கழகத்தில் எம்.ஏ பொருளாதாரம் மற்றும் எம்.ஃபில் முடித்தவர்.

* 1986-ம் ஆண்டு பிரபாகர் என்பவரை திருமணம் செய்த பின்னர் லண்டனுக்குச் சென்ற நிர்மலா சீதாராமன் ரெஜென்ட் சாலையில் இருந்த Habitat என்ற கடையில் விற்பனையாளராக பணியாற்றினார். அதன்பிறகு, PricewaterhouseCoopers LLP என்ற கம்பெனியில் ஆராய்ச்சி மற்றும் பகுப்பாய்வு பிரிவில் வேலை செய்துள்ளார்.

* 1991-ம் ஆண்டு இந்தியாவுக்கு திரும்பி வந்த நிர்மலா சீதாராமன், பா.ஜ.க-வில் 2006-ம் ஆண்டு இணைந்தார். 2010-ம் ஆண்டு கட்சியின் பேச்சாளர்களில் ஒருவராக நியமிக்கப்பட்டார். 2014-ம் ஆண்டு பா.ஜ.க ஆட்சியைப் பிடித்தபோது வணிகம் மற்றும் தொழிற்துறை அமைச்சகம் இவருக்கு கொடுக்கப்பட்டது. பின்னர், பாதுகாப்பு அமைச்சராகப் பதவியேற்றார்.

* முன்னாள் பிரதமர் இந்திரா காந்திக்குப் பிறகு நிதியமைச்சராக பதவியேற்று இரண்டாவது பெண் நிதியமைச்சராக திகழ்ந்தார். இந்திரா காந்தி முழு நேர நிதியமைச்சராக பதவி வகிக்கவில்லை. எனவே, முழு நேர நிதியமைச்சராக பதவி வகிக்கும் முதல் பெண் நிதியமைச்சர் இவர்தான்.

* நிர்மலா சீதாரமனுக்கு கிளாசிக்கல் மியூசிக் மிகவும் பிடித்த ஒன்று. கிளாசிக்கல் மியூசிக்கை வழக்கமாக கேட்கும் பழக்கமுடியவர். இதைத்தவிர பயணம், சமைப்பது ஆகியவற்றிலும் நிர்மலா சீதாராமனுக்கு ஈடுபாடு உண்டு.

* தீவிரமாக வாசிக்கும் பழக்கமும் இவருக்கு உண்டு. தினமும் 9 செய்தித்தாள்களை மூன்று மணி நேரம் செலவழித்து வாசிப்பாராம்.