Twitter டு Vimeo வரை.. டெக் உலகை ஆளும் இந்திய சி. இ.ஓ-க்கள்!

சத்ய நாதெள்ளா

ஹைதராபாத்தில் பிறந்தவர். மணிப்பால் பல்கலைக்கழகத்தில் பயின்றவர். தற்போது  மைக்ரோசாப்ட் நிறுவனத்தின் தலைமை செயல் அதிகாரியாகப் பொறுப்பு வகிக்கிறார்.

சுந்தர் பிச்சை

தமிழகத்தில் பிறந்தவர். ஐஐடி கராக்பூர் மற்றும் ஸ்டான்ஃபோர்டு பல்கலைக்கழகத்தில் பயின்றுள்ளார். 2004-ம் ஆண்டு கூகுள் நிறுவனத்தில் இணைந்தார். தற்போது அல்பபெட் மற்றும் கூகுளின் முதன்மை அதிகாரியாக பொறுப்பு வகிக்கிறார்.

சாந்தனு நாராயண்

ஹைதராபாத்தில் பிறந்தவர். உஸ்மானியா பல்கலைக்கழகம் மற்றும் பௌலிங் கிரீன் ஸ்டேட் பல்கலைக்கழகம் ஆகியவற்றில் பயின்றுள்ளார். தற்போது அடோப் நிறுவனத்தில் தலைமை செயல் அதிகாரியாக இருக்கிறார்.

அர்விந்த் கிருஷ்ணா

ஆந்திராவில் பிறந்தவர். கான்பூர் ஐஐடி-யில் படித்தவர். தற்போது ஐ.பி.எம் நிறுவனத்தின் தலைமை செயல் அதிகாரியாகப் பணியாற்றி வருகிறார்.

சஞ்சய் மெஹ்ரோத்ரா

கான்பூரில் பிறந்தவர். பிர்லா தொழில்நுட்பக் கல்லூரி மற்றும் கலிஃபோர்மியா பல்கலைக்கழகத்தில் படிப்பை முடித்துள்ளார். மைக்ரோன் டெக்னாலஜி நிறுவனத்தின் தலைமை அதிகாரியாக தற்போது பணியாற்றி வருகிறார்.

நிகேஷ் அரோரா

உத்தரப் பிரதேசத்தில் பிறந்தவர். ஐஐடி வாரணாசியில் படித்தவர். பாலோ ஆல்டோ நெட்வொர்க்கின் தலைமை செயல் அதிகாரியாக தற்போது பணியாற்றி வருகிறார்.

ரங்கராஜன் ரகுராம்

மும்பை ஐஐடி-யில் படித்தவர். தற்போது VMware நிறுவனத்தில் தலைமை அதிகாரியாக செயல்பட்டு வருகிறார்.

பரக் அக்ராவல்

மும்பையில் பிறந்தவர். மும்பை ஐஐடி மற்றும் ஸ்டான்ஃபோர்டு பல்கலைக்கழகத்தில் பயின்றுள்ளார். மைக்ரோசாப்ட், யாஹூ உள்ளிட்ட நிறுவனங்களில் சிறிய பொறுப்புகள் முதல் டீம் லீடர் பொறுப்பு வரை வகித்துள்ளார். தற்போது ட்விட்டரின் தலைமை செயல் அதிகாரியாக பொறுப்பேற்றிருக்கிறார்.

ஜார்ஜ் குரியன்

கேரளாவைச் சேர்ந்தவர். சென்னை ஐஐடி-யில் படித்தவர். தற்போது நெட் ஆப் நிறுவனத்தில் தலைமை செயல் அதிகாரியாக பணியாற்றி வருகிறார்.

ரேவதி அத்வைதி

 ரேவதி அத்வைதி, பிர்லா தொழில்நுட்பக் கல்லூரியில் படித்தவர். தற்போது ஃப்ளெக்ஸ் நிறுவனத்தின் தலைமை செயல் அதிகாரியாக பணியாற்றி வருகிறார்.

அஞ்சலி சுட்

இந்திய வம்சாவளியைச் சேர்ந்தவர். தற்போது விமியோ நிறுவனத்தில் தலைமை செயல் அதிகாரியாக பணியாற்றி வருகிறார்.