தனுஷுக்கே டஃப் கொடுத்த பேரழகி... அனா டீ அர்மாஸின் கதை!
தனுஷோட The Gray Man படத்தில் அவரோட மல்லுக்கட்டிய அழகுப் புயல், No Time to Die படத்தில் ஜேம்ஸ் பாண்டுக்கு சமமா மிரட்டல் அடி அடிச்ச அடாவடிக்காரி அனா டி அர்மாஸ் பற்றி தெரிஞ்சுக்கலாம் வாங்க.
லத்தின் அமெரிக்காவின் கியூபாவிலிருந்து ஸ்பெயினுக்குக் கிளம்பிப் போன அனா டி அர்மாஸ் இன்று உலகம் முழுக்க பலரைக் கட்டிப்போட்டிரு-க்கிறார் என்றுதான் சொல்ல வேண்டும்.
ஒரு டீனேஜ் பெண்ணாக கியூபாவில் சில திரைப்படங்களிலும் தொலைக்காட்சித் தொடர்களிலும் நடித்தார். அதன் மூலம் அவர் புகழ் ஸ்பெயின் வரை பரவ, கியூபாவிலிருந்து ஸ்பெயினுக்குக் கிளம்பிப் போன பிறகு சில குறும்படங்களிலும் சில முழுநீளத் திரைப்படங்களிலும் நடித்தார்.
நம்ம ஊர் கனா காணும் காலங்கள் போல ஸ்பெயினில் ஒரு பள்ளிக்கூடத்தின் கதையில் அழகான மாணவியாக அனா தோன்ற ஒட்டுமொத்த ஸ்பெயினே கொண்டாடியிருக்கிறது.
அனாவோட திறமையும் அழகும் அட்லாண்டிக் கடலைக் கடந்து அவரை அமெரிக்காவின் ஹாலிவுட் மலையோரம் கரை சேர்த்தது.
உங்க Favourite Celebrities பத்தின 1000+ Super Cool தகவல்கள் படிக்க 7WOWFacts Android app Install பண்ணுங்க!
ஹாலிவுட்டில் நுழைந்ததும் துவக்கத்தில் அனா கொஞ்சம் தடுமாறவே செய்தார். முதல் படமே, பிரபலமான இயக்குநர் எலி ரோத், பிரபலமான நடிகர் கினு ரீவ்ஸ் உடன் என அதகளமாக ஆரம்பித்தார்.
ஆனால், அவருக்குக் கிடைத்தது என்னமோ சின்ன சின்ன வேடங்கள்தான். பெரிதாகக் கவனம் பெறாத படங்களிலுமே நடித்துக் கொண்டிருந்தார். Blade runner 2049 படத்தில் ஒரு ஹாலோகிராம் AI கதாபாத்திரத்தில் அனா நடித்த பிறகுதான் பிரபலமாகத் தொடங்கினார்.
அதன் பிறகு அவருக்கான பெரிய புகழைப் பெற்றுத்தந்தது The Knivesout படம் தான். அதன் பிறகுதான் அவருக்கென பிரத்தியேக கதாபாத்திரங்களும் புகழும் வந்து சேர்ந்தது.
Hands of Stone படத்தின் விமர்சனத்தில் புகழ்பெற்ற பல விமர்சகர்களும் குறிப்பிட்டது, "அனாவின் அழகையும், கவர்ச்சியையுமே காட்டும் வேடங்களாகவே வழங்கப்படுகிறதே, இந்தப் பொண்ணுக்குள்ள ஒரு திறமை இருக்கு, அதை வெளிக்கொண்டு வாங்க" என்பதாகவே இருந்தது.
அவருக்குப் பெரிய புகழ் வெளிச்சத்தைத் தந்த The knives out படத்தில் நடிப்பதற்கு முதலில் அனா மறுத்திருக்கிறார். அதற்குக் காரணம் முதலில் அந்தப் படத்தில் அவருடைய கதாபாத்திரம் குறித்து அவரிடம் சுருக்கமாக "ஒரு லத்தின் அமெரிக்கப் பெண், அழகான பெண்..." என குறிப்பிட்டிருக்கிறார்கள்.
அனா, இது மட்டுமே இல்லை என அவர் போர்க்கொடி தூக்க, கொஞ்சம் பொறுமா என முழு திரைக்கதையையும் படிக்கக் கொடுத்த பிறகு அவருக்கு அதில் நடிக்க இருக்கும் வாய்ப்பையும் புரிந்துகொண்ட பிறகே நடிக்க ஒப்புக்கொண்டிருக்கிறார்.
அனா வெறும் அழகுப் பதுமை மட்டுமே அல்ல. அது அவருக்கே நன்றாகத் தெரியும் என்பதைத் தான் அவருடைய அடுத்தடுத்தப் படங்களும் நமக்குச் சொல்கிறது. 14 வயதிலேயே நடிகையாவதற்காக க்யூபாவின் நடிப்புக் கல்லூரியில் சேர்ந்து படித்த அழகிய நடிப்பு ராட்சஷி அனா.
அமெரிக்காவுக்கு வந்த புதிதில் அனா சந்தித்த முக்கியப் பிரச்சினை ஆங்கிலம். கியூபாவில் பிறந்த அனாவுக்குத் தெரிந்தது ஸ்பானிஷ் மட்டும் தான், ஸ்பெயினிலும் அவருக்கு ஆங்கிலத்துக்கான தேவை இல்லாமல் இருந்தது. ஆனால், அமெரிக்காவும் ஆங்கிலமும் முதலில் அவருக்கு பிரமிப்பையே தந்தது.
அப்போது தன்னிடம் என்ன சொல்கிறார்கள், நடிக்கும் போது என்ன பேசுகிறோம் என்பதே அவருக்குப் புரியாமல் இருந்திருக்கிறது. ஆங்கிலம் கற்க அவ்வளவு கஷ்டப்பட்டிருக்கிறார்.
இன்றளவும் பல பேட்டிகளில், ``நான் எதாவது வித்தியாசமாவோ, வில்லங்கமாவோ பேட்டியில் சொன்னால் கோவிச்சுக்காம திரும்ப கேளுங்க..." என்ற ரீதியில் தான் கொஞ்சி கொஞ்சி ஆங்கிலம் பேசுகிறார்.