Virat Kohli: அதிரடிக்காரன் விராட் கோலி - டெஸ்ட் கேப்டனின் 9 அதிரடிக் கருத்துகள்!

இந்திய டெஸ்ட் அணியின் கேப்டன் விராட் கோலி, தனது மனதில் தோன்றியதை வெளிப்படையாகப் பேசும் தன்மை கொண்டவர். பல்வேறு சூழல்களில் விராட் கோலி ஓப்பனாகப் பேசிய 11 அதிரடியான கருத்துகள் இங்கே...

நான் விளையாடும் விதம், என்னுடைய எதிர்காலம், நடத்தை, விளையாட்டு என இவற்றைப் பற்றி நிறைய பேர் எனக்கு அறிவுரைகள் வழங்கி வருகிறார்கள். ஆனால், அவற்றிலிருந்து முடிந்தவரை விலகியிருக்கவே விரும்புகிறேன். எனது கவனத்தை அவை திசைதிருப்புவதை நான் விரும்பவில்லை. மைதானத்தில் நீங்கள் பந்து ஒன்றை மட்டுமே எதிர்க்கொள்வீர்கள். அங்கு நீங்கள் தோல்வியடைந்தால், அதற்கு பொறுப்பாளி நீங்கள் ஒருவர் மட்டுமே. எனவே, உங்கள் வாழ்க்கையில் என்னவாக வேண்டும் என்பதை முடிவு செய்வது நீங்களாக மட்டுமே இருக்க வேண்டும்.

நீங்கள், உங்களுக்கு உண்மையாக இருந்தால், எதற்கும் அஞ்ச வேண்டிய அவசியம் இருக்காது.

நான் எப்படியிருக்கிறேனோ... அதுதான் நான். ஆக்ரோஷமாக இருப்பது போன்று நடிக்க வேண்டிய அவசியம் இல்லை; நான் களத்தில் இருக்கிறேன் என்பதை எதிரணியினருக்குக் காட்ட வேண்டிய அவசியம் இல்லை. இயல்பாகவே நான் ஆக்ரோஷமாக இருப்பது, விளையாட்டில் சிறப்பாகச் செயல்பட எனக்கு உதவுகிறது. 

நீங்கள் ஃபிட்டாக இருப்பது உங்களுக்கு நம்பிக்கையைக் கொடுக்கும். உங்களுடனேயே எப்போதும் இருக்கும் உங்களது அணுகுமுறை ரொம்பவே முக்கியமானது.

எந்தவொரு கிரிக்கெட் அணியும் ஒன்று அல்லது இரண்டு வீரர்களை மட்டுமே சார்ந்திருக்காது. ஒவ்வொரு அணியுமே வெற்றிக்காகத்தான் விளையாடுகிறது. 

கடுமையான சூழல்களில் விளையாடுவதையே நான் விரும்புவேன். இன்னும் சொல்லப்போனால் பிரஷர் இல்லையென்றால், சரியான சூழலில் நான் இல்லை என்பதே உண்மை. 

கிரிக்கெட் பேட் என்பது விளையாட்டுப் பொருள் அல்ல. அது ஒரு ஆயுதம். என் வாழ்வில் எனக்குக் கிடைத்த அனைத்தையுமே கொடுத்தது அதுதான். களத்தில் நான் விரும்பியது அனைத்தும் செய்ய உதவுவது அதுதான். 

எனக்குக் கடவுள் நம்பிக்கை இருக்கிறது. அதேநேரம், நான் கோயில்களுக்குச் செல்வதை உங்களால் அதிகம் பார்த்திருக்க முடியாது. ஒருவர் தன்னையே முதலில் உணர்ந்துகொள்ள வேண்டும் என்பதில் நம்பிக்கை கொண்டவன் நான். மன அமைதி எனக்கு ரொம்பவே முக்கியம். நடைமுறைக்காக ஒருசிலவற்றை ஏன் செய்ய வேண்டும்? அதற்குப் பதிலாக எப்போதும் போலவே எனக்கு நான் உண்மையாக இருப்பேன்.

உங்களுக்குப் பிடித்த விளையாட்டில் இருந்து பணம் சம்பாதிப்பது எந்தவகையிலும் தவறில்லை என்று நினைக்கிறேன். நீங்கள் கடுமையாக உழைத்தால், அதிலிருந்து பலன் கிட்டும். இதில் எந்தத் தவறும் இல்லை. அதேநேரம், நீங்கள் கடுமையாக உழைக்காமல், அதிலிருந்து பலன் கிடைக்க வேண்டும் என்று நீங்கள் நினைக்கும்போதுதான், அது தவறாகிறது.