விஜய்யின் ஃபேவரைட் காஸ்ட்யூம் முதல் டிரெண்டான காஸ்ட்யூம் வரை… என்னலாம் தெரியுமா?

ஆன் ஸ்கிரீன் மற்றும் ஆஃப் ஸ்கிரீன் என எங்கேயும் எந்த உடை அணிந்தாலும் விஜய் மாஸ்ஸாகவே அவரது ரசிகர்களுக்கு தெரிவார் என்பதில் எந்தவித சந்தேகமும் இல்லை. 1 min


விஜய்

ஒருத்தரோட டிரெஸ்ஸிங் சென்ஸ் அவங்க யாருனு பாதி சொல்லிடும்னு சொல்லுவாங்க. அந்த அளவுக்கு நம்ம டிரெஸ்ஸிங் சென்ஸ் முக்கியமானதாக கருதப்படுகிறது. திரைத்துறையைப் பொருத்தவரை காஸ்டியூம் டிசைனுக்கு என தனியாக பணம் செலவழிக்கப்பட்டு அதற்கென தனியாக ஒரு குழுவே வேலை செய்கிறார்கள். அவ்வகையில் டிரெஸ்ஸிங் சென்ஸில் ரசிகர்களை ஈர்த்த முக்கியமான நடிகர்களில் விஜய்யும் ஒருவர். இளைஞர்களின் மத்தியில் விஜய் ஸ்டைல் ஐகானாக இருக்கிறார் என்றுகூட சொல்லலாம். கோடிக்கணக்கில் ரசிகர் பட்டாளத்தைக் கொண்டவர் விஜய். அவருடைய மேனரிசங்களை மட்டும் இல்லாமல் அவரது ஹேர்ஸ்டைல், டிரெஸ்ஸிங் சென்ஸ் போன்றவற்றையும் அவருடைய ரசிகர்கள் பின்பற்றி வருகின்றனர். பாரம்பரிய உடை முதல் வெஸ்டர்ன் உடைகள் வரை பல வகையான உடைகளை உடுத்தி அதிக படங்களில் விஜய் நடித்துள்ளார். அவருக்குப் பிடித்த காஸ்ட்யூம் மற்றும் அவருடையை டிரெஸ்ஸிங் சென்ஸ் எப்படியெல்லாம் மாறி இருக்கிறது என்பதைப் பற்றிதான் இந்தக் கட்டுரையில் தெரிஞ்சுக்கப்போறோம். வாங்க…

துள்ளாத மனமும் துள்ளும்
துள்ளாத மனமும் துள்ளும்

விஜய்யின் டிரெஸ்ஸிங் சென்ஸ் மாறிக்கொண்டு வந்ததைப் பற்றி தெரிந்துகொள்ள வேண்டும் எனில் அவருடைய கரியரில் டர்னிங் பாயிண்டாக அமைந்த படங்களை நாம் கவனித்தால் போதுமானது. சிம்பிளான ஷர்ட், பேண்ட் என நமது பக்கத்து வீட்டு பையன் போல உடைகளை அணிந்து `பூவே உனக்காக’ படத்தில் நடித்திருப்பார். விஜய்யின் கரியரில் மிகவும் முக்கியமான படமாக அமைந்த பூவே உனக்காக படங்களைத் தொடர்ந்து `லவ் டுடே, ஒன்ஸ் மோர், நேருக்கு நேர், காதலுக்கு மரியாதை, துள்ளாத மனமும் துள்ளும், மின்சார கண்ணா, குஷி, பிரியமானவளே ஃபிரெண்ட்ஸ், பத்ரி, ஷாஜஹான்’ போன்ற படங்களிலும் சிம்பிளான டிரெஸ்ஸிங் சென்ஸில் வந்து கலக்கி இருப்பார். 90’ஸ்ஸில் டிரெண்டான டிரெஸ் என்றால் அது தொளதொள சட்டையும் டைட்டான பேண்டும் தான். விஜய்யின் ஆரம்பகால படங்களில் பெரும்பாலும் இந்த ஸ்டைல்தான் இருக்கும். குறிப்பிட்டு சொல்ல வேண்டும் என்றால் விஜய்யின் கரியரில் மிகவும் முக்கியமான படங்களான காதலுக்கு மரியாதை துள்ளாத மனமும் துள்ளும் படத்தில் அவருக்கு ராஜேந்திரன் என்பவர் ஆடை வடிவமைப்புகளை செய்திருப்பார்.  இதற்கு அடுத்து வந்த `திருமலை’ படத்தில் டிரெஸ்ஸிங் சென்ஸில் மாற்றங்கள் இருக்கும். 

திருமலை
திருமலை

`திருமலை’படத்தில் விஜய் பனியன் ஒன்றை போட்டுக்கொண்டு அதற்கு மேல் சட்டையை அணிந்து பட்டன்களை போடாமல் திறந்து விட்டபடி இருப்பார். அந்தப் படத்தில் காலரில் இருந்து சிகரெட் எடுக்கும் காட்சிகள் எல்லாம் வேற லெவல் மாஸாக இருக்கும். இந்தப் படத்துக்கும் ராஜேந்திரன்தான் ஆடை வடிவமைப்புகளை செய்திருப்பார். அந்தப்படம் வெளியான சமயத்தில் அவரது ரசிகர்களும் சட்டையில் பட்டன்கள் போடாமல் சுற்றினர். `கில்லி’ படம் தாறுமாறு ஹிட். இதிலும் பக்கத்து வீட்டு பையன் போல உடைகளை அணிந்து இருப்பார். இந்தப் படத்துக்கு நளினி ஸ்ரீராம் என்பவர்தான் காஸ்ட்யூம் டிசைனர். அடுத்தது குறிப்பிட்டு சொல்ல வேண்டும் என்றால் `திருப்பாச்சி’ படம். திருப்பாச்சி படத்துல அப்படி ஸ்பெஷலா ஒண்ணும் டிரெஸ்ஸிங் சென்ஸ் இருக்காதேனு நீங்க கேக்கலாம். ஆனால், அந்தப் படத்தின் இயக்குநர் விஜய்யின் சட்டையை வைத்து `ஆயிரம்தான் இருந்தாலும் அண்ணன் சட்டை ஆகுமானு!’ சென்டிமென்ட் சீன் ஒன்றையே வைத்திருப்பார். செமல!

சச்சின்
சச்சின்

`சச்சின்’ படம் வெளியான சமயத்தில் சச்சின் பேக், சச்சின் டீ ஷர்ட் என அவரது ரசிகர்கள் கடைகளில் சென்று கேட்டு வாங்கும் அளவுக்கு விஜய்யின் காஸ்ட்யூம்கள் பேசப்பட்டன. அதேபோல `போக்கிரி’ படம் வெளியான சமயத்திலும் அந்தப்படத்தில் விஜய் அணிந்து வரும் ஷர்ட் கடைகளில் அதிக அளவில் விற்பனையானது. சிறுவர்கள் முதல் இளைஞர்கள் வரை `போக்கிரி’ டிரெஸ் அணிந்து கொண்டு, கையில் கர்சிப்பை சுற்றியபடி தீபாவளி போன்ற பண்டிகை நாள்களில் சுற்றினர். ஒரு சட்டை மேல் இன்னொரு சட்டை அணிந்துகொள்வது எல்லாம் அப்போது ஃபேஷன். இதனை வடிவமைத்தவரும் நளினி ஸ்ரீராம்தான். `நண்பன், துப்பாக்கி, தலைவா ஜில்லா’ போன்ற படங்களில் விஜய் டீ ஷர்ட்களை அணிந்திருப்பார். அந்த சமயங்களில் விஜய் ரசிகர்கள் மத்தியில் டீ ஷர்ட் பிரபலமாக இருந்தது. 

பைரவா
பைரவா

விஜய்யின் கரியரில் டிரெஸ்ஸிங் சென்ஸில் அதிகமான விமர்சனங்களைப் பெற்ற படம் என்றால் அது `பைரவா’ தான். அதில் வரும் விஜய்யின் காஸ்ட்யூம்கள் விஜய் ரசிகர்களாலேயே அதிகமாக விமர்சிக்கப்பட்டது. எனினும், பைரவா சட்டை என்று சில ரசிகர்கள் அதனை அழைத்து சில நாள்கள் டிரெண்ட் செய்தனர். இதனை வடிவமைத்தவர் சத்யா. `துப்பாக்கி, ஜில்லா, தெறி, மெர்சல், பிகில்’ போன்ற படங்களில் விஜய்யின் டிரெஸ்ஸிங் சென்ஸ் குறிப்பிட்டு பேசும்படியாக அமைந்தது. இந்தப் படங்கள் வெளியான போது விஜய் ரசிகர்கள் மத்தியில் பிளைன் கேஷூவல் ஷர்ட்கள், செக்ட் ஷர்ட்கள் மிகவும் பிரபலமாக இருந்தது. இந்த படங்கள் அனைத்திலும் பணியாற்றியவர் கோமல் ஷஹானி. கடைசியாக வந்த மாஸ்டர் படத்தில் பெரும்பாலும் செக்ட் ஷர்ட்டுகளை அணிந்திருப்பார். இதனால், விஜய் ரசிகர்கள் மத்தியில் தற்போது டிரெண்டிங் செக்ட் ஷர்ட்டுகள்தான். ஆன் ஸ்கிரீனில் விஜய் இப்படி வெரைட்டியான டிரெஸ்களை அணிந்து இருப்பார். ஆனால், ஆஃப் ஸ்கிரீனில் பெரும்பாலும் கேஷூவலான ஷர்ட் மற்றும் ஜீன்ஸ் பேண்ட் அணிந்து மிகவும் சிம்பிளாக இருப்பார். பெரும்பாலும் ஆஃப் ஸ்கிரீனில் வெளியாகும் புகைப்படங்கள் வழியாக இதனை நாம் தெரிந்துகொள்ளலாம்.

மாஸ்டர்
மாஸ்டர்

ஆன் ஸ்கிரீன் மற்றும் ஆஃப் ஸ்கிரீன் என எங்கேயும் எந்த உடை அணிந்தாலும் விஜய் மாஸாகவே அவரது ரசிகர்களுக்கு தெரிவார் என்பதில் எந்தவித சந்தேகமும் இல்லை. ஃபிட்டான டிரெஸ்ஸிங் சென்ஸ் அவருக்கு மிகவும் பொருத்தமாகவே இருக்கும். ஆனால், விஜய்யின் ஆஃப் ஸ்கிரீன் ஃபேவரைட் டிரஸ் என்றால் அது `கோட் சூட்’ தானாம். பிரியமானவளே படத்தில் இருந்தே விஜய்க்கு கோட் சூட் மீது அதிக காதல் இருப்பதாக தகவல்கள் தெரிவிக்கின்றன. ஆன் ஸ்கிரீனில், `துப்பாக்கி, பைரவா, சர்க்கார், பிகில்’ போன்ற படங்களில் கோட் சூட் அணிந்து அசத்தியிருப்பார். அதேபோல ஆஃப் ஸ்கிரீனில் `நண்பன் 100 வது நாள் விழா, மாஸ்டர் ஆடியோ லாஞ்ச்’ போன்றவற்றில் கோட் சூட்டுகளை அணிந்து மாஸ் காட்டியிருப்பார். மாஸ்டர் ஆடியோ லாஞ்சில், “நண்பர் அஜித் போல கோட் சூட்ல வரலாம் என நினைத்தேன்” என விஜய் பேசிய வசனமும் செம வைரல். இந்தப் படத்துக்கு காஸ்டியூம் டிசைனர் பல்லவி. இதையும் ஆடியோ லாஞ்ச்ல குறிப்பிட்டு சொல்லி இருப்பாரு.

சரி… இப்போ நீங்க விஜய்க்கு எந்த டிரெஸ் பக்காவா செட் ஆகுதுனு கமெண்ட்ல சொல்லுங்க!

Also Read : இட்லி உப்புமா, கால சக்கரம், பூங்குயில் பாட்டு பிடிச்சிருக்கு… – இது தேவயானி டிரெண்ட்ஸ்! #HBDDevayani


Like it? Share with your friends!

396

What's Your Reaction?

lol lol
15
lol
love love
12
love
omg omg
6
omg
hate hate
12
hate

Ram Sankar

0 Comments

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format