பஞ்சாயத்து முடிஞ்ச்ச்ச்.. கமல் படத்துலயும் ரஜினி ரெஃபரென்ஸ் இருக்கு..!

ரஜினியின் நிறைய படங்களில் கமல் ரெஃபரென்ஸ் இடம்பெற்றிருக்கும். ஆனால், கமல் படங்களில் ரஜினி ரெஃபரென்ஸ் ஒரு படத்தில் இடம்பிடித்திருக்கிறது. 1 min


ரஜினி - கமல்
ரஜினி - கமல்

பொதுவாக இரு துருவ நட்சத்திரங்களின் படங்களுக்கும் அவர்களது ரசிகர்களுக்குமிடையே கடுமையான போட்டி இருந்தாலும் இதில் எங்காவது ஒரு இடத்தில் ஒரு துருவம் இன்னொரு துருவத்தைப் பற்றி ஏதாவது ஒரு வார்த்தை பேசினாலே அது இரு தரப்புக்குமே சிலிர்ப்பைத் தந்துவிடும். அஜித்தின் `மங்காத்தா’ படத்தின் முதல் நாள் முதல் காட்சியில் திடீரென விஜய்யின் ‘காவலன்’ பட ‘விண்ணைக் காப்பான் ஒருவன்’ பாடலும் அதைத்தொடர்ந்து விஜய்யின் முகமும் தோன்ற, அஜித் ரசிகர்களே ஆர்ப்பரித்துக் கொண்டாடினார்கள். சமீபத்தில் ‘மாஸ்டர்’ ஆடியோ லாஞ்சில்கூட ‘நண்பர் அஜித்’ என பேசியதும் அந்தப் படத்திலேயே அஜித்தின் ‘காதல் கோட்டை’ படத்தைப் பற்றி விஜய் பேசி நடித்ததும் வைரல் ஆனது. இந்த தலைமுறை நடிகர்கள் இப்படியிருக்க, சென்ற தலைமுறை துருவ நட்சத்திரங்களான ரஜினி – கமல் விஷயத்தில் நடந்தது என்ன?

ரஜினி – கமல்

ரஜினி பொதுவாக தனது ஆரம்ப காலத்திலிருந்தே கமலை விட்டுக்கொடுக்காமல்தான் பேசிவருகிறார். இது அவரது படங்களிலும் தொடரத்தான் செய்தது. ரஜினியின் ஆரம்பகால படமொன்றில் (இந்தப் படத்தின் பெயர் தெரிந்தால் கமெண்ட் பாக்ஸில் தெரியப்படுத்தவும்) ரஜினி, முன்பின் தெரியாத வி.கே.ராமசாமிக்கு போன் செய்து, ஒரு விஷயத்தை சொல்ல, பேசுறது யாரு?’ என வி.கே.ராமசாமி கேட்க, ‘கமலஹாசன்’ என சொல்லி படக்கென போனை வைத்துவிடுவார். அருகிலிருந்த எஸ்.வி.சேகர்,என்னடா திடீர்னு கமலஹாசன் பேரை சொல்லிட்ட’ எனக் கேட்க, `விடுறா.. கமல் என் ப்ரெண்டுதான்.. நான் சொல்லிக்கிறேன்’ என சொல்வார்.


இப்படியாக ரஜினி, ‘முத்து’ படத்தின் ஒரு இடத்தில், ‘அவனை முதல்ல அடி.. பெரிய கமல்ஹாசன்னு நெனப்பு’ என்றும் ‘சிவாஜி’ படத்தில் ‘முகத்தைக் கழுவிட்டு வந்தா சும்மா கமலஹாசன் மாதிரி இருப்பேன்’ என்றும் ‘குசேலன்’ படத்தில் ‘கமலஹாசன் எவ்வளவு பெரிய நடிகர், எவ்வளவு சாதனை பண்ணியிருக்காரு’ என்றும் வசனம் பேசி நடித்திருப்பார். ‘எந்திரன்’ படத்தில் ரஜினியிடம், ‘கமலஹாசன் போன் நம்பர் தெரியுமா’ என்று ஒரு கேரக்டர் கேட்கும். சமீபத்தில் வெளியான அவரது ‘காலா’ படத்தில்கூட ஈஸ்வரிராவ், ‘தேரே மேரே பீச்சு மெயின்’ பாடலையே ரஜினி கேட்டு ஃபீல் பண்ணிக்கொண்டிருந்ததாக குறிப்பிடுவார்.

கமல் - கே.பி. - ரஜினி
கமல் – கே.பி. – ரஜினி

ரஜினி ரெஃபரென்ஸ்!

இவ்வாறு ரஜினி ஆரம்பகாலம் தொட்டு தற்போதுவரை அவ்வபோது தனது படங்களில் கமலின் ரெஃபரன்ஸ்களை வைத்து வைந்தாலும், கமல் தனது ஒரு படத்தில்கூட ரஜினி ரெஃபரன்ஸை வைக்கவில்லை என்ற குற்றச்சாட்டு ரஜினி ரசிகர்கள் மத்தியிலும் மற்ற சினிமா ரசிகர்கள் மத்தியிலும் இருந்துவருகிறது. ஆனால் அதில் உண்மையில்லை. கமலின் ஒரு படத்தில் ரஜினியின் ரெஃபரென்ஸ் இடம்பெற்றிருக்கிறது. அந்தப் படம் ‘சட்டம்’. 1983-ல் வெளியான இந்தப் படத்தில் போலீஸ் அதிகாரியான கமல், குற்றவாளியைத் தேடி ஹோட்டல் ஒன்றில் விசாரணை செய்வார். அப்போது தான் தேடிவந்த குற்றவாளி ஃபோட்டோவைக் காட்டுவதற்கு முன்பு, ரஜினி ஃபோட்டோவைக் காட்டி, ‘இவரை யாருன்னு தெரியுமா?’ எனக் கேட்க, ஹோட்டல் மேனேஜர், ‘சூப்பர் ஸ்டார், ஸ்டைல் மன்னன் ரஜினி’ என சொல்வார். இந்த விஷயம் கமலின் விருப்பமின்றி அந்தப் படத்தில் இடம்பெற்றிருக்காது என்பது பச்சைக் குழந்தைக்குக்கூட புரியும்.
ஆக, பஞ்சாயத்து முடிஞ்ச்ச்ச்.. கமல் படத்துல ரஜினி ரெஃபரென்ஸ் இருக்கு.

Also Read – டி.ஆர் பக்தர்களே உங்களுக்கான சிம்பிள் குவிஸ் இது… எத்தனை மார்க் வாங்குறீங்கனு பார்க்கலாமா?


Like it? Share with your friends!

509

What's Your Reaction?

lol lol
12
lol
love love
8
love
omg omg
41
omg
hate hate
8
hate

0 Comments

Leave a Reply

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube and Vimeo Embeds
Audio
Soundcloud or Mixcloud Embeds
Image
Photo or GIF
Gif
GIF format
இந்தியன் படம் தமிழ் சினிமாவுக்கு ஏன் முக்கியம் – 3 காரணங்கள்! எந்திரன் பற்றி 5 ஆச்சர்ய தகவல்கள்! பாரதிராஜா – வைரமுத்து – இளையராஜா கூட்டணி ஏன் அவ்வளவு ஸ்பெஷல்? துஷாரா விஜயன் செம கெத்து… ஏன் தெரியுமா? `நடிகர் திலகம்’ சிவாஜி இப்போ இருக்கிற படங்கள்ல நடிச்சிருந்தா எப்படி இருக்கும்?