டிஜிட்டல் கதிர்களிலிருந்து கண்களைப் பாதுகாக்க 5 சிம்பிள் டிப்ஸ்!

லேப்டாப் உள்ளிட்டவைகளைப் பயன்படுத்தும்போது நான் சரியான விதத்தில் அமருதல் நல்லது. உங்கள் கண்களின் நேர் நிலையிலிருந்து, டிஜிட்டல் திரையானது கொஞ்சம் கீழே இருக்க வேண்டும். குறைந்தபட்சம் உங்களுக்கும் திரைக்கும் இடையில் ஒரு கை நீளத்துக்கான இடைவெளி இருக்க வேண்டும் என்கிறார்கள் வல்லுநர்கள்.

டிஜிட்டல் கேட்ஜெட்கள் பயன்பாட்டின் போது ஒவ்வொரு 20 நிமிடங்களுக்கும் இடையே 20 விநாடிகள் இடைவெளி எடுத்துக் கொள்ளலாம். இந்த 20 விநாடிகள் இடைவெளியின் போது ஸ்கிரீனைப் பார்க்காமல் வேறு பக்கம் பார்வையைத் திருப்பிக் கொள்வது கண் பாதிப்பைக் குறைக்கும்.

பொதுவாக ஒருவர் 15 முதல் 20 முறை ஒரு நிமிடத்துக்குக் கண் சிமிட்டுவார்கள். ஆனால், தொடர்ச்சியான டிஜிட்டல் திரை பயன்பாடு கண் சிமிட்டுவதைக் குறைத்துவிடும். அதிக முறை நீங்கள் கண் சிமிட்டினால், கண்களில் ஈரப்பதம் குறையாமல் பாதுகாக்க அது உதவும்.

அதிக நேரம் டிஜிட்டல் திரையைப் பயன்படுத்த வேண்டி இருப்பவர்கள் ஊதா கதிர்களில் இருந்து பாதுகாக்கும் கண்ணாடியை மருத்துவர்களின் அறிவுரையைப் பெற்றுப் பயன்படுத்தலாம் என்கிறார்கள். நீண்ட நேரம் டிஜிட்டல் திரையைப் பார்க்க வேண்டியவர்கள் நீண்டகால பயன்பாட்டைக் கருத்தில்கொண்டு உரிய காண்டாக்ட் லென்ஸ்கள், கண்ணாடிகளை மருத்துவர்களின் அறிவுரையுடன் தேர்வு செய்யலாம்.  

வேலைக்கு நடுவே கண்களுக்குப் பயிற்சி அளிப்பது நல்ல பலனைக் கொடுக்கும். விழிகளை மேலும் கீழும் அசைத்து பயிற்சி கொடுக்கலாம், உள்ளங்கையால் கண்களை மூடி ரிலாக்ஸாகலாம்.